Kthjellimet dominojnë territorin shqiptar deri në mesditë, kur priten kalime vranësirash të lehta nëpër territor, ku më të theksuara vranësirat do të jenë në zonat veriore dhe përgjatë shtrirjes lindore; megjithatë, nuk priten reshje.
Pjesa e dytë e ditës do të vijojë me kthjellime në zonat bregdetare dhe zonat e ulëta, duke lënë zonat malore me vranësira disi më të shpeshta, por nuk priten reshje. Të njëjtat kushte stabile do të mbeten edhe gjatë natës.
Temperaturat e ajrit do të pësojnë rritje të lehtë të tyre, duke u luhatur nga 9°C temperatura më e ulët e shënuar në qytetin e Pukës, deri në 34°C vlera maksimale e cila do të shënohet në qarkun e Beratit.
Era do të fryjë e fortë, duke arritur shpejtësinë mbi 75 km/h nga drejtimi kryesisht jugor; për pasojë, në brigjet detare do të gjenerohet dallgëzim 6 ballë
